Laurdag 4 februar! Melodi Grand Prix – det mest spektakulære tv-familieshowet i Norge kjem tilbake til Florø og Sogn og Fjordane! Fargerikt og folkeleg – og samtidig prangande og ekstragavant på same tid. Familievennleg og fasinerande. MGP Delfinalen i Florø har det meste: Overdådig sceneshow, konkurranseaspektet, musikalsk breidde, og eit heimepatriotisk tv-publikum! Opplev den flottaste innandørs fellesopplevinga for publikum i Sogn og Fjordane!

MGP er NRK sitt største underhaldningsprogram, og det merkar du som publikum i salen. Her er det ikkje spart på effektar! 3000 menneske fekk eit eventyrleg show i Florø Idrettssenter i 2011, og i 2012 er showet endå større!

Før tv-sendinga startar blir det oppvarming med 5 av dei beste unge songtalenta i fylket, og show av musikklinja på Flora VGS basert på gamle tyske! Grand Prix-låtar!

Få med deg den unike opplevinga live i salen laurdag 4 februar – og sjå tv-sendinga på ei av reprisene som går på NRK dagen etter (NRK sender tv-showet frå Florø minst to gongar i reprise!)

Artistane spenner frå ei av verdas største countrylegender (Bobby Bare) til vår lokale stjerne Håvard Lothe. Med ungdomsstjerner, legendar, hip hop, rock, country, pop, elektronika, eksotiske rytmer, rå dans og eit supert publikum, er det klart for årets store vinterfest i Sogn og Fjordane! Billettar er i sal på www.billettservice.no, 815 33 133 – Narvesen og Posten.

Ver med å bidra til eit glimrande tv-show i Florø Idrettssenter! Hugs at showet er ferdig kl 22 laurdagen – det betyr at du kjem deg heim kvar du enn bur i fylket same kvelden!

Bilete: Hanne Sørvaag på scena under MGP Florø i 2011.